"Mujhe yaad hai sab mujhe yaad hai"
Wo teri wafaen wo meri jafa
tha be laos chahat ka jo silsila
mujhe kis qadar chahe jana tera
"Mujhe yaad hai sab mujhe yaad hai"
Wo meri nazar se abhi door tha
sada dhoondta tha jo meri nazar ko
wo mayoos sa laot jana tera
"Mujhe yaad hai sab mujhe yaad hai"
Tawajjo pe meri wo phoolon sa khilna
khushiyon ki shabnam palkon se chhanna
umeedon ka jese bar aana tera
"Mujhe yaad hai sab mujhe yaad hai"
wo kano me ghulti shireen ho jese
khankti si sargam hansi ho jese
wo narmi se kuchh keh jana tera
"Mujhe yaad hai sab mujhe yaad hai"
Mere waste wo nikharna tera
wo ban na tera,wo sanwarna tera
phir sharmake khudme simatna tera
"Mujhe yaad hai sab mujhe yaad hai"
Khamoshi bhi meri staati thi thujhko
meri aah dinbhar rulati thi thujhko
mire tanz pe wo muskurana tera
"Mujhe yaad hai sab mujhe yaad hai"
Qadmon ko aksar tarasti nigahen
wo betab bekal machalti si bahen
mujhe minnaton se manan tera
"Mujhe yaad hai sab mujhe yaad hai"
Wo shikva kabhi bhi na karna tera
na tarze taghaful se darna tera
wo bheegi si palken chhipana tera
"Mujhe yaad hai sab mujhe yaad hai"
